Padayong masinati ang pag-ulan ug madag-umon nga panahon karong adlawa, Miyerkules, Hulyo 2 sa Luzon ug pipila ka bahin sa Kabisay-an ug Mindanao tungod sa epekto sa low-pressure area (LPA) ug southwest monsoon.
Sa talaan sa state weather bureau, katapusang na-obserbahan, ang LPA karong alas 2:00 sa kaadlawon sa gilay-on nga 235 kilometros sidlakan sa Echague, Isabela ug gilaumang makaapekto sa pipila ka bahin sa Northern ug Central Luzon.
Bisan tuod nagpabilin kining LPA, gipaabot nga magdala kini ug katag-katag nga pag-ulan, kilat ug pagpanalugdog sa silangang bahin sa Northern ug Central Luzon.
Sa Cagayan Valley area, ang nag-uswag nga dili maayo nga panahon gilauman nga magdala sa katag-katag nga pag-ulan ug pagpanugdog-kilat.
Hugot usab nga gibantayan ang tropical depression gawas sa Philippine Area of Responsibility (PAR).
Samtang, ang southwest monsoon ang ginalauman nga maka-apekto sa nabilin nga bahin sa Luzon, partikular sa central og southern parts, nga may katag-katag nga pag-ulan og pagpanugdog sa Metro Manila, CALABARZON, og sa Bicol Region.
Mapanganuron ug madag-umon nga kalangitan usab ang mopatigbabaw sa Palawan, Western Visayas, ug Zamboanga Peninsula tungod sa habagat.
Maayong panahon ang mopatigbabaw sa ubang bahin sa Kabisay-an ug Mindanao nga adunay posibilidad nga madag-umon sa hapon ug gabii.
