-- ADVERTISEMENT --
Nagpadayon ang Department of Health (DOH) sa online psychosocial support sa mga overseas Filipino worker (OFW) sa Israel nga apektado sa giyera sa Iran ug Israel.
Matud sa DOH, kapin 60 ka OFW miapil niadtong Sabado sa online counseling sessions nga gipangulohan ni Health Secretary Teodoro Herbosa, inabagan sa unom ka psychiatrist ug 11 ka psychosocial facilitator.
Ang programa ipahigayon matag duha ka semana, base sa panginahanglan sa apektadong mga Pilipino.
Kini nga inisyatiba sa pakigtambayayong sa Department of Foreign Affairs, Department of Migrant Workers, ug Mariveles Mental Health and Wellness General Hospital.
