Nagpahigayon ug sorpresa nga inspeksiyon ang National Bureau of Investigation (NBI) sa ilahang custodial facility sa New Bilibid Prison (NBP) human sa giingong mga taho sa espesyal nga pagtratar sa daghang mga high-profile nga mga piniriso.
Matud kang NBI Director Jaime Santiago, ang inspeksyon gihimo human nigawas ang mga taho nga si kanhi magbabalaod Arnie Teves nakadawat og VIP treatment.
Apan, ang kadagkoan sa NBI niinsister nga way bisan usa nga nakadawat og special treatment, apil na si Teves nga gibalhin sa Manila City jail.
Kini maoy gipasalig ni Dir. Santiago human niya personal nga nakighinabi sa mga piniriso nga mikompirmar nga patas ang pagtagad sa tanang piniriso.
Isip pruweba, ang kadagkoan sa NBI niingon nga kung unsa ang gikaon sa usa ka piniriso mao usab ang ginakaon sa uban.
Dugang pa niini nga iya lang gimanduan ang mga detention officer sa pagsiguro sa kaluwasan ni Teves ug nga dili siya patyon tungod kay matod niya nga patyon sila sa publiko kung mahitabo kini.
Gikatakdang pasakaan og kaso ang kanhi magbabalaod karong Lunes, Hunyo 30 alang sa kasong firearms and explosives nga giingong nasakmit gikan sa pag raid sa iyang properties sa miaging tuig.
