Wala pa makita ni Presidente Ferdinand Marcos Jr. ang panginahanglan nga ipadayon ang oil subsidy o ang pag-apod-apod sa fuel subsidy ngadto sa mga PUV drivers, mag-uuma ug mananagat.
Matod ni Presidente Ferdinand Marcos Jr., kon dili moubos ang presyo sa lana sa kalibotanong merkado, i-activate gyud sa gobyerno ang fuel subsidy.
Apan kagahapon, matod niya, niubos na ang presyo ngadto sa 69 dollars per barrel gikan sa unang pagbana-bana nga 79 dollars per barrel.
Ang gobyerno nagtakda og 80 dollars per barrel sa lana isip benchmark sa pagpatuman sa fuel subsidy alang sa mga apektadong sektor.
Apan tungod kay miubos na ang presyo, matod niya dili na kinahanglan ang subsidy. Sa laing bahin, gipahibalo sa Presidente nga madumala ang epekto sa panagbangi sa Iran-Israel sa ekonomiya sa Pilipinas.
Matod sa Presidente, siya ang unang nideklara og ceasefire didto ug siya usab ang unang nakatala og pagkunhod sa presyo sa krudo sa merkado sa kalibotan nga anaa ra sa 69 dolyares matag barrel.
Sa pagkakaron, nagpabiling mabinantayon ang gobyerno sa sitwasyon sa Middle East. Siya niingon nga ang gobyerno nakatutok usab sa paglihok sa presyo sa lana sa kalibotanong merkado.
