BUTUAN CITY – Patay ang driver sa usa ka construction company human kini giluba sa bana sa iyang ka-ubanan sa trabaho kaganinang alas-dose sa udto sulod mismo sa ilang opisina sa may Brgy. Ong Yiu ning siyudad sa Butuan.
Naila ang biktimang si Rodel Gonzaga Valenzona, 42-anyos, duna’y ka-ipon ug residente sa Brgy. Ambago ning siyudad sa Butuan.
Samtang ang suspetsadong gi-ila nga si Michael Chavez, nag-inom matud pa og hilo human sa maong hitabo ug gidala na sa ospital alang sa pagpatambal.
Migawas sa inisyal nga imbestigasyon nga daan nang naka-istorya ang biktima ngadto sa iyang iyaan nga giselosan matud pa siya sa bana sa ilang secretary rason nga iya pa kining gitambagan nga mu-undang na sa iyang trabaho ug mubalhin na lang sa lain.
Padayon pa gihapong gipanubayan sa kapulisan ang motibo sa maong insidente.
