Gipahimangnoan sa Department of Health (DOH) ang publiko batok sa online scam nga nag-endorso og mga tambal alang sa hypertension o high blood pressure.
Sa advisory nga giluwatan sa DOH, gitambagan niini ang publiko nga dili motuo sa mga website o page nga nagpakaaron-ingnon sa DOH ug sa mga representante niini aron mamaligya og mga produkto sa hypertension.
Gitataw sa ahensya nga ang maong mga produkto walay napamatud-ang tambal sa maong sakit ug ang DOH dili mo-endorso sa mga komersyal nga produkto.
Busa, gitambagan niini ang publiko nga mokonsulta na lang sa opisyal nga website sa DOH aron malikayan nga mabiktima sa online scams.
Gipahinumdoman usab sa DOH ang mga tawo nga mag-amping sa malimbungon nga mga estratehiya sa pagpamaligya nga naggamit og peke nga mga testimonial, peke nga pag-endorso gikan sa mga eksperto, ug mga pangangkon sa kahimsog sa gawas.
Samtang, gi-report usab sa DOH ang peke nga account ngadto sa Department of Information and Communications Technology (DICT) ug naghimog mga lakang aron mapatubag sa balaod ang mga nagpaluyo niini.
Gitambagan usab ang publiko nga i-report ang maong mga peke nga account ug dili kini ipaambit sa uban.
