Gihingusgan ni Senate President Francis “Chiz” Escudero nga walay limitasyon ang gahom sa Impeachment Court, ilabi na kung ang Senado na ang molingkod isip hukmanan sa usa ka impeachment trial.
Kini nga pahayag nga gibuhian ni Sen. Escudero taliwala sa mga pangutana sa legalidad ug pamaagi sa posibleng impeachment trial ni Vice President Sara Duterte, kinsa ga-atubang karon og mga reklamo nga may kalambigitan sa paggamit sa confidential funds.
Matud ni Escudero, ang impeachment court adunay tibuok gahom sa pagpahigayon sa proseso — gikan sa pagpatawag og mga testigo, pagpangayo og dokumento, hangtod sa paghukom — bisan pa man sa presensya o wala sa akusado.
Sa iyang pamahayag nga dili kinahanglan nga pisikal nga anaa ang akusado aron magpadayon ang proseso.
Padayon ang preparasyon sa Senado alang sa posibleng paglingkod niini isip impeachment court kung ugaling masang-at na ang kaso.
Giangkon usab sa Senado nga andam na ang ilang legal team sa posibleng pagsugod sa proseso kung ugaling makalusot sa House of Representatives ang Articles of Impeachment.
