Gikatakda nga ang kamtangang administrasyon nga i-privatize ang operasyon sa labing menos 10 ka regional airports, sa nahabilin nga termino niini hangtod sa 2028, sumala ni Department of Transportation (DOTr) Secretary Vince Dizon.
Matod ni Dizon niadtong Lunes, lakip sa mga target nga ipaubos sa public-private partnership (PPP) mao ang mga tugpahanan sa Iloilo, Davao, Siargao, Laoag, Busuanga, Bicol, Tacloban, Bacolod-Silay, General Santos, ug Puerto Princesa.
Kinahanglan usab nga i-privatize ang mga praktikal nga tugpahanan, ingon niya, samtang ang ubang mga lugar kinahanglan adunay mga airstrips alang sa logistics ug pagtubag sa katalagman.
Sa kasamtangan, aduna nay pito ka mga tugpahanan ubos sa PPP nga naglakip sa Ninoy Aquino International Airport (NAIA), Mactan-Cebu International Airport, Clark International Airport, Bohol-Panglao International Airport, Laguindingan Airport, Caticlan Airport, ug New Manila International Airport
