DA nagplano nga magbaligya ug barato nga karne sa baboy sa mga Kadiwa center

Plano sa Department of Agriculture (DA) nga magbaligya og mas baratong karne sa baboy sa mga sentro sa Kadiwa ng Pangulo, bisan pa sa kamahal sa presyo sa baboy sa merkado.

Si DA Secretary Francisco Tiu Laurel Jr. niingon niadtong Lunes nga ang halin gilaumang magsugod sa unang semana sa Agosto sa Metro Manila, Metro Cebu, Metro Davao, 38 ka KNP centers, merkado, ug DOLE-accredited outlets.

Iyang giklaro nga ang mas barato nga presyo resulta sa pagkunhod sa gasto sa logistics ug middlemen, sa tabang sa Food Terminal Inc. (FTI).

Gipasalig ni Tiu Laurel nga wala kini gituyo nga makigkompetensya sa mga retailer ug bukas usab ang ahensya sa pagbaligya sa imported nga baboy sa Kadiwa aron masuportahan ang mga lokal nga suplay.