CAGAYAN DE ORO CITY – Nakalas ang kinabuhi sa duha ka trabahante sa MORESCO 2 nga nakasakay sa multicab human gibangga ang van sa Brgy Buko,Kinoguitan,Misamis Oriental kagahapon sa hapon.
Giila ni Kinoguitan Police Station commander Capt Eugene Zambrano ang mga namatay nga sila Joni Tedlos nga taga-Brgy Kibaghot,Laguindingan ug Joselito Baclayon nga residente usab sa Brgy Lagtang,Alubijid ning lalawigan.
Subay sa imbestigasyon,padulong sa Cagayan de Oro ang namatay’ng mga biktima sa dihang gikasugat ang van nga ang direksyon gikan sa Iligan City hinungdan sa maduguong aksidente.
Tungod sa kakusog sa bangga, nalagpot ang multicab ug nahulog ang pipila sa mga sakay niini sa kamulo sa gitrabaho nga drainage.
Gilayong gidala sa nagkadaiyang ospital ang dul-an 20 ka naangol alang sa medikasyon.
Gihimuan pa og dugang imbestigasyon ang maong hitabo.
