Hugtanong gipanghimakak ni kanhi Presidential Spokesperson Atty. Harry Roque nga gibasura o gituldukan na sa The Netherlands ang iyang asylum application.
Matod sa abogado, padayon pa ang proseso sa iyang asylum proceedings sukwahi sa nanggawas karon.
Diin ang kanhi tigpamaba nihatag og gibug-aton nga walay laing makakuha og impormasyon bahin sa proseso niini.
Giinsister niya nga ang Dutch government lang ug siya ang adunay access sa proceedings sa asylum application kay aduna matod pay confidentiality.
Busa, iyang gikonsidera nga usa ka fake news ang impormasyon nga mikatag karon.Samtang bisan pa sa maong mga isyu, gipasigarbo ni Atty. Roque nga nakakuha siya og National ID gikan sa The Netherlands.
Tungod niini, aduna na siyay magamit nga identity card aron magsilbing legal proof sa iyang pagkatawo samtang nagpuyo sa nasod.
Si Atty. Roque, kanhi presidential spokesperson ni kanhi Presidente Duterte, gipadakop sa huwes sa Pilipinas tungod sa iyang kaso nga may kalabotan sa ilegal nga operasyon sa POGO sa nasud.
Usa siya sa ubay-ubay pa nga wala madakpi sa mga otoridad apan adunay pending nga kaso, sama nila ni Bureau of Corrections Chief Gerald Bantag, kanhi Police Lt. Col. Rafaela Dumlao III ug uban pa.
Busa, gipahibawo sa Department of Justice ang ilang koordinasyon ilabina kay PNP Chief General Nicolas Torre III, aron masikop na gyud ang mga pugante.
