Subling mibalik isip top Finals MVP contender ang star guard sa Indiana Pacers nga si Tyrese Haliburton.
Sa gipagawas sa liga nga listahan sa mga Finals MVP contender karong adlawa, June 13, nanguna dinhi si Haliburton samtang ikaduha si Thunder guard Shai Gilgeous-Alexander.
Ikatulo si Pacers forward Pascal Siakam, samtang misunod silang Thunder forward Jalen Williams og Pacers guard Andrew Nembhard.
Human sa kadaugan sa Pacers sa Game 3 batok sa Thunder, subling mitaas ang tyansa ni Haliburton nga mahimong Finals MVP, nga gihuptan ang 17.7 points per game, 7.3 rebounds per game, og 7.7 assists per game sa tulo ka Finals appearance.
Nahimo kini sa bag-uhan nga guard bisan nga wala paghatag kaniya og free throw kung asa sa tibuok finals series , wala pa siya ginahatagan og free throw.
Kahinumdoman nga sa Western Conference Finals wala naadto kang Haliburton ang MVP award og inay nakuha kini ni Pascal Siakam, ang leading scorer og rebounder sa Indiana sa Finals.
Silang Siakam og Haliburton pulos nanguna sa Pacers pag-abot sa scoring og rebounding ability, dalan aron iposte sa team ang 2-1 lead batok sa kasamtangang top team sa NBA nga Thunder.
Samtang, ang No. 2 contender nga si Shai nagpabilin nga top scorer sa NBA Finals, nga gihuptan ang 32 points per game, 6 rebounds per game og 5 assist per game sa sulod sa tulo ka dula nga gidula sa maong serye.
Ugma, June 14, subling mag-atbang ang Thunder og Pacers para sa Game 4 sa Gainbridge Fieldhouse sa Indianapolis, ang kasamtangang homecourt sa Indiana.
