Naglusad ang Israel sa mga gitawag niining “preemptive strikes” batok sa Iran, sumala kang Israeli Defense Minister Israel Katz, dungan sa pagdeklara og state of emergency sa tibuok nasod.
Pahayag sa opisyal, human sa preemptive strike sa State of Israel batok sa Iran, gilauman ang gilayong pag-atake sa mga missile og drone batok sa Israel og sa mga sibilyan niini.
Gireport sa Iranian state media nga pipila ka pagbusikad ang sunod-sunod nga nadungog sa Tehran, ang kapital sa Iran samtang padayon nga nagkagrabe ang tensyon sa rehiyon.
Usa ka opisyal sa Estados Unidos ang nagbutyag nga walay direktang partisipasyon o tabang gikan sa US sa mga gipahigayong pag-atake sa Israel sulod sa Iran.
Gikumpirma usab sa usa ka Israeli official nga pipila ka higayon nga nag-meeting ang National Security Cabinet sa Israel una gipahigayon ang opensiba.
Samtang, sumala sa Ministry of Transportation sa maong nasod nga gisirado na sa Israel ang pipila ka airspace hangtod sa sunod nga abiso.
Ang maong bag-ong militar nagbutang sa rehiyon sa mas grabe nga peligro sa halapad nga engkwentro samtang gipaabot ang mga posibleng pag-atake gikan sa Iran isip pagbalos.
