Giangkon ni Department of Transportation (DOTr) Secretary Vince Dizon nga sa pagkakaron, dili pa praktikal ang pagpadayon sa Public Transport Modernization Program (PTVM).
Matod ni Secretary Dizon, kung tan-awon ang kasamtangang kahimtang sa maong programa, daghan sa mga drayber o operator nga nakapalit og bag-ong sakyanan ang dili na kabayad sa ilang utang, nga nagpasabot nga wala kini epektibong nagalihok sumala sa katuyoan niini.
Dugang pa niya, daghan pang problema ang kinahanglan nga hatagan og solusyon sa dili pa kini padayong ipatuman sa tibuok nasod.
Giila usab ni Dizon nga importante ang modernization sa pampublikong transportasyon, apan kinahanglan nga ang mga reporma mahimong ‘realistic’, sustainable, ug makatarunganon para sa tanang apektadong sektor.
