Gipakusgan sa Bureau of Immigration (BI) ang ilang kampanya batok sa pagpalsipikar sa mga dokumento sa pagbiyahe, tungod nipasidaan ang mga otoridad nga ang mga sindikato nga nalambigit sa human trafficking nahimong mas sopistikado.
Sa gipagawas nga notice sa Commission on Filipinos Overseas (CFO), nasayran nga adunay mga biyahedor nga giingong naggamit og peke nga CFO certificates, peke nga kontrata sa pagpanarbaho, ug peke nga overseas work permits.
Matod ni CFO Secretary Dante Ang II, kinahanglang alerto ang publiko ug makigtransaksiyon lang sa mga lehitimong ahensya.
Gipasidan-an usab sa BI ang mga insidente nga naglambigit sa mga tawo nga nagpanggap nga mga misyonaryo sa simbahan apan nakit-an nga gi-recruit alang sa ilegal nga trabaho sa gawas sa nasud.
Agig tubag, si BI Commissioner Joel Anthony Viado niingon nga ilang gipahugtan ang inspeksyon sa mga tugpahanan ug pantalan, samtang gipalig-on usab ang bag-ong sistema.
Dugangan usab sa BI ang mga personahe ug biometric system sa mga tugpahanan, ug padayon nga makig-alayon sa CFO, Department of Foreign Affairs, ug mga ahensya sa pagpatuman sa balaod aron dali nga mailhan ang mga peke nga dokumento sa dili pa makabiya ang mga pasahero sa nasud.
