Misaad ang Commission on Elections (Comelec) nga sulbaron ang mga nag-ung-ong nga kaso batok sa Duterte Youth ug Bagong Henerasyon (BH) party-lists sa dili pa ang Hunyo 30, ang opisyal nga pagsugod sa termino sa mga piniling opisyal.
Nagpahibalo si Comelec Chairman George Garcia kaniadtong Martes, usa ka adlaw human gi-postpone sa National Board of Canvassers ang proklamasyon sa duha ka party-list groups.
Kini tungod sa mga reklamo nga gisang-at lakip na ang sayop nga impormasyon sa edad sa mga Duterte Youth nominees ug ang pag-apil sa usa ka public official sa Bagong Henerasyon campaign.
Gipasabot usab ni Garcia nga matod sa Korte Suprema, mawala lang ang hurisdiksyon sa Comelec kon matuman na ang tulo ka rekisitos, nga mao ang proclamation, oath-taking, ug formal assumption of office.
