Gipahimangnoan sa Philippine Amusement and Gaming Corporation (Pagcor) ang publiko batok sa pagdagsang sa mga peke nga sertipikasyon sa pagdula nga gigamit sa Lucky 7 Bingo Corporation aron madani ang mga biktima.
Matod sa Pagcor, nakadawat sila og report nga ang Lucky 7 Bingo Corporation giingong nakigsabot-sabot diin nagsaad kini og kita nga moabot sa P50,000 pinaagi sa gitawag nga “Lucky 7 Bet Lottery Platform.”
Kabahin sa bogus nga kasabutan, ang mga bettors giingong gihangyo nga mobayad og pasiunang cash deposit nga P3,000.
Ang Pagcor miingon usab nga ang lisensya nga nahisgutan sa maong mga kasabotan usa ka peke nga offshore gaming license
tungod kay ang tanang offshore gaming operations gidili na sa Pilipinas sukad niadtong Disyembre 31, 2024.
Si Jessa Fernandez, Offshore Gaming and Licensing Department head, mipasabot nga bisan ang Lucky 7 Bingo Corporation kay lehitimong lisensyado alang sa e-games venue operations, wala kini maghupot ug bisan unsang balido nga offshore gaming license.
