Pormal nga niduso og demand letter ang United People’s Initiative (UPI) sa buhatan sa Commission on Elections (Comelec) sa Manila karong adlawa, Mayo 19, aron ipasabot ang giingong talagsaon kaayong gidaghanon sa “overvotes” sa bag-o lang natapos nga midterm elections.
Base sa opisyal nga datos sa Comelec, kapin sa 16 milyones ka overvotes ang natala alang sa senatorial ug party-list races.
Ang maong mga boto wala maihap tungod sa overvoting.
Gitataw ni UPI Convenor Reynaldo Valeros Jr., nga dili madawat ang katin-awan sa Comelec nga ang maong mga overvotes kay gikalimtan lang sa mga botante.
Dugang pa niya nga kinahanglang ang Korte Suprema ang modesisyon kon ihap ba ang boto o dili.
Dugang pa niya nga ang maong mga isyu kinahanglang imbestigahan kaniadtong eleksiyon.
