Gipangayo ni Philippine Military Academy (PMA) graduate Second Lieutenant (2Lt) Ferdinand Jose Macalay, 23, ang tam-is nga “Oo” sa hinigugma niining ‘mistah’, ug karon fiancée na, nga si 2Lt Remedios Racma Briones Lopez, 22, atul mismo sa graduation ceremony sa academya kagahapong adlawa Mayo 17.
Sumala ni Macalay, nga taga San Jose del Monte, Bulacan, giatul matud pa niini ang iyahang proposal sa ‘best friend’ niining hinigugma atul usab sa pinaka-importante nilang adlaw sa kinabuhi kansa mao ang graduation sa PMA.
Saysay ni Macalay nga nahimo matud pa niining Best friend si Lopez pagsulod nila sa PMA tungod kay parehas man silang taga San-Jose, del Monte sa Bulacan.
Nagsugod ang relasyon sa duha dihang 2nd year na sila sa prestihiyosong eskwelahan.
Lakip si Lopez sa 54 ka mga babayeng ni gradwar sa batch siklab-laya, nga dunay 266 ka mga ni gradwar karong adlawa, Mayo 17.
Tubag pa ni Lopez sa nagluhod na niining ‘Mistah’:
“Mahal kita. [Ikaw] ang aking sandalan“
Witness sa maong ‘kilig-moment’ ang mga pamilya sa duha.
Sumala sa inahan sa lalaki nga si Macalay, nailhan matud pa niini ang iyahang future-binaje niadtung unang tuig pa lamang sa duha sa PMA, nakita na matud pa niining responsable ang duha, ug unahaon nila ang pagserbisyo sa nasod ayha magpakasal.
Moserbisyo si Macalay sa Philippine Army, samtang si Lopez usab sa Philippine Airfoce.
Plano karon sa duha nga magpakasal sa umalabot nga yulo ngadto sa lima ka tuig.
