Kapin sa P4 milyones nga kantidad sa ecstasy ug heroin ang nasakmit sa Bureau of Customs (BOC).
Matod sa BOC, P4.43 milyones nga kantidad sa drugas ang ilang nasakmit sa Ninoy Aquino International Airport (NAIA).
Unom ka parsela ang na-intercept sa Central Mail Exchange Center sa airport, diin sa pag-abli, 1,330 ka ecstasy pills ug 362 gramos nga heroin ang nabutyag.
Ang BOC midugang nga ang maong mga ilegal nga drugas gikan sa Ireland, Netherlands ug Thailand diin kini gideklarar nga skincare products ug plumbing materials.
Si Customs Commissioner Bienvenido Rubio niingon nga ang operasyon usa ka kolaborasyon sa Philippine Drug Enforcement Agency (PDEA) ug sa NAIA Inter-Agency Drug Interdiction Task Group (NAIA-IADITG).
Gitugyan na sa BOC ngadto sa PDEA ang ilegal nga drugas samtang nagpadayon ang imbestigasyon sa mga awtoridad.
