Gikumpirma ni Department of Transportation (DOTr) Secretary Vince Dizon nga wala gituyo ang natigayon nga insidente sa NAIA Terminal 1 sa Pasay City base sa inisyal nga imbestigasyon og CCTV footage.
Matud pa sa kalihim nga may pasahero nga gihatud ang driver nga si Leo Gonzales una natigayon ang insidente.
Nataranta lamang siya gumikan may milabang nga sakyanan og inay nga magpreno, ang selenyador ang natapakan.
Kasamtangan anaa sa kustodiya sa Philippine National Police (PNP) ang driver og gipailawom sa imbestigasyon sa pagpanguna ni PBGen. Christopher Marcial Abecia.
Nasayran nga duha ang patay sa maong insidente kung asa usa ka 4-anyos nga batang babae og lalake nga hamtong ang pangidaron og tulo ang samaron.
Padayon nga gitambalan sa ospital ang mga samaron.
Gipasalig sa kalihim nga tubagon sa kumpanya ang mga gastos sa medikal sa mga biktima
