Mga kabombo! Unsa ang imong reaksyon kung ang usa ka butang nga imong gipalit usa ka butang nga imong gipanag-iya?
Mao kini ang nahitabo sa usa ka tag-iya sa sakyanan sa England.
Matud sa report, usa ka lalaki ang nagpalit sa usa ka sakyana nga pila na nga semana nga nawala ! Giila ang biktima nga si Ewan Valentine, 36 anyos. Matud niya nga nawala ang iyahang sakyanan sa ilahang driveway.
Tungod niini dali niya kining gi report sa kapulisan ug sa insurance company ang pagkawala sa iyahang sasakyan.
Samtang nangitag kapuli nga sakyanan, nasugat-an ni Valentine ang usa ka Honda Civic sa usa ka iladong garahe nga namaligya og mga segunda-manong sakyanan.
Parehas gyud kini sa nawala niyang kotse — itom, parehas nga modelo, ug bisan adunay custom exhaust pa!
Tungod kay lahi ang plaka, mileage, ug numero sa VIN, wala siya makaamgo nga mao diay kini ang iyang nawala nga sakyanan.
Sa katapusan, napugos siya sa paggasto og kapin sa $20,000 aron mapalit kini.
Apan sa iyang pagpauli sa sakyanan, diha na nagsugod ang iyang pagduda. Namatikdan niya ang mga butang nga daw pamilyar: usa ka lagdok sa tolda, mga dagom sa pino, ug usa ka wrapper sa kendi nga iyang nahinumduman nga gibiyaan sa iyang nawala nga sakyanan.
Wala pa mahuman! Sa dihang iyang gi-on ang built-in nga GPS, iyang nakita ang na-save nga mga lokasyon — ilang balay, balay sa iyang ginikanan, ug balay sa ginikanan sa iyang uyab.
Dinhi niya gikompirmar nga iya gyud kini.
Gi-report dayon niya ang insidente ug nagtuo nga biktima lang ang tindera sa garahe.
