Filipino teenager sa Milan, Italy, patay human maligsan ug tren

Patay ang usa ka Filipino nga tin-edyer sa Milan, Italy human nabanggaan sa tren sa Greco-Pirelli station sa nasod.

Base sa inisyal nga impormasyon sa mga otoridad, ang biktima daling gidala sa San Gerardo Hospital sa Monza apan gideklarar usab nga patay na.

Sumala sa imbestigasyon, ang biktima ug ang iyang mga ginikanan nagtabok sa riles sakay sa ilang scooter.

Sa wala damha, nadasmagan kini sa nag-agi nga tren.

Ang Philippine Consulate General sa Milan mipaabot sa ilang pahasubo sa pamilya sa biktima.

Nanawagan usab kini sa publiko nga iampo ang kalag sa biktima.