Gipasakaan sa Department of Justice (DOJ) adlaw nga Lunes ug kasong qualified human trafficking si kanhi presidential spokesperson Harry Roque.
Kini may kalabutan sa pagkalambigit ni Roque sa operasyon sa iligal nga Philippine Offshore Gaming Operators (POGO) sa Porac, Pampanga.
Matud ni Justice Undersecretary Nicholas Felix Ty nga lakip nga napasakaan ug kaso silang Cassandra Ong, Wu Duanren ng Whirlwidn Corporation, Dennis Cunanan ug lain pang 30 ka indibidwal.
Dugang pa ni Ty nga klaro ang kalambigitan sa mga akusado nga gigamit ang institusyon para sa human trafficking.
Una ng gikasuhan sa Presidential Anti-Organized Crime Commission (PAOCC) ang Lucky South 99 authorized representative nga si Katherine Cassandra Li Ong ug uban pa.
Lakip usab si Roque sa supplemental complaint nga gipasaka niadtong Oktubre 2024.
Gihingusgan ni Ty nga bisan abogado sa Whirlwind si Roque, personal kining nag-adto sa Philippine Amusement Gaming Corporation (PAGCOR) para sa renewal sa application sa Lucky South 99.
