Mukabat na sa 74 nga mga kandidato gikan sa nagkadaiyang mga posisyon ang gipatubag karon sa Commission on Election (COMELEC) tungod sa alegasyon sa pagpamalit og boto.
Ang dokumento gipirmahan ni Committee on Kontra Bigay head Teopisto Elnas Jr nga adunay 19 nga lokal nga kandidato nga nalambigit sa vote buying og abuse of state resources (ASR).
Nanguna sa gipatubag ang mag-asawa nga silang Marikina Rep. Stella Quimbo nga midagan nga mayor og nalambigit sa vote-buying og ASR samtang ang asawa niining si kanhi Rep. Romeo Quimbo nga midagan karon isip 2nd Dist. Rep. sa Marikina.
Lakip usab nga gipatubag si Manila Mayor Honey Lacuna-Pangan kung asa hugot nga gipanghimakak ang akusasyon og andam nga tubagon ang maong alegasyon sa COMELEC.
Pipila sa mga gipatubag tungod sa alegasyon sa pagpalit og mga boto mao silang Denver Christopher Chua midagan nga mayor sa Cavite City, Marvin Venus sa Baras, Rizal; Ruben Talon, Butch Suspeñe, og Zake Derequito sa Dumangas, Iloilo; Cagayan province gubernatorial candidate Zarah Rose Lara; Allan Martines de Leon og Kristofer Charles Esguerra sa Taytay, Rizal; Mauban, Quezon mayoral candidate Erwin Pastrana; Rhapsody Miguel Riveral sa Cuartero, Capiz; Winfred Rivera sa Kamalayan Party-list; Jeren Jude Bacas og Rolen Paulino Jr., sa Olongapo City; Danilo Fernandez sa Laguna Province og Romulo Avila, nga midagan nga vice mayor sa Quezon Province.
Kahinumduman nga niadtong Huwebes adunay pipila ka kandidato usab ang gipatubag sa COMELEC tungod sa maong alegasyon sa pagpamalit og mga boto.
