Samdan ang 151 ka mga indibidwal sa 6.2 magnitude nga linog nga miigo sa Istanbul, Turkey, human ang mangambak gikan sa taas nga andana sa usa ka building.
Gawas sa mga naangol, walay natala nga namatay sa linog.
Sumala sa Turkish Disaster Agency AFAD, ang epicenter sa linog natala sa dagat sa Marmara, duol sa baybayon sa Silivri, anaa sa 50 milya sa South sa Istanbul nga may gilawmon nga 4.3 milya.
Nabati usab ang linog hangtod sa southeast nga bahin sa Bursa, 97 milyas ang gilay-on gikan sa Istanbul.
Mokabat usab sa 51 ka aftershocks ang natala apan walay natalang kadaot.
Kalabot niini, gipahimangnoan sa AFAD ang mga residente nga dili mosulod sa mga naguba nga mga building ug sundon ang mga pahimangno sa lokal nga mga opisyal.
Nasayran nga ang linog nga nahitabo makonsidera nga labing kusog nga miigo sa Istanbul sulod sa pipila ka tuig.
