Nagpadayon karon ang Maitum Municipal Police Station sailang pagpahigayon ug follow-up investigation lakip ang hot pursuit operation alang sa pagkasikop sa suspek nga giila sa kapulisan nga si alyas Adib nga mitiro sa mga nahisgutang mga biktima.
Samtang ang mga biktima ang giilang sila alyas Mohammad, 35 anyos, Mekaniko ug residente sa Prk. Bugo, Brgy. Malalag, Maitum Sarangani Province ug alyas Norhaman, 34 anyos, mag-uuma ug residenet sa Prk. Liwliwa, Brgy. Maguling, Maitum, Sarangani Province nga parehong mga samaron ug padayon pang ginasuta ang ilang sitwasyon.
Gikabutyag nga natigayon ang pagpamusil sa Luan Bridge, Brgy. Mindupok, Maitum, Sarangani Province alas 7 sa gabii niadtong Abril 22.
Sa imbestigasyon sa Maitum MPS si alyas Mohammad ang naka angkon ug pito (7) ka samad pinusilan saiyang nagkalain-lain nga parte saiyang lawas samtang si alyas Norhaman ang naigo ug stray bullet nga niigo saiyang nawong.
Daling nadala sa balay tambalanan ang mga nahisgutan alang sa medikasyon. narekober sa crime scene ang usa (1) ka empty shell sa Cal. 45 ug duha (2) ka slug sa Cal. 45.
