20 turista, patay sa pagpamusil sa Kashmir India

Dili muobos sa 20 katao nga mga turista ang napatay human gipamusil sa mga gituohang militanteng grupo sa Pahalgam, usa ka sikat nga destinasyon sa Jammu og Kashmir, India.

Sumala sa mga testigo, nakurat sila sa sunod-sunod nga buto nga pagtuo nila nga pabuto lamang, apan nabalaka human nga madungog ang kusog nga singgit sa mga tawo.

Giangkon usab sa grupong “Kashmir Resistance” ang responsibilidad sa social media.

Gikabutyag nga supak sila sa matod pa pagtinir sa kapin 85,000 nga mga langyaw sa rehiyon, nga gikonsidera nilang kabag-ohan sa Kashmir. Hugtanong gikondena ni Prime Minister Narendra Modi ang pag-atake.

Ang insidente natigayon usa ka adlaw human niabot sa India si US Vice President JD Vance sa usa ka personal visit.