Gikumpirma sa Leyte Provincial Police Office nga gipasakaan na og kasong illegal possession of firearms og paglapas sa election gun ban ang pito ka pulis nga konektado matod pa sa pagpamusil kang Albuera mayoral candidate Rolando “Kerwin” E. Espinosa Jr.
Matod kay Police Colonel Dionisio Apas Jr., Provincial Director ng Leyte Police, 14 nga armas ang nakumpiska gikan sa mga pulis, kung asa pipila ang dili rehistrado.
Lakip niini ang mga pusil nga riple og pistol.
Gibutyag ni Apas, ang pito kasamtangang anaa sa administrative custody og gipailawom sa administrative proceedings.
Wala pa gipagawas sa publiko ang ilang mga pangalan, apan gilangkoban sila sa usa ka police colonel, lieutenant colonel, staff sergeant, tulo ka corporal, og usa ka patrolwoman.
Gihingusgan ni Apas nga wala pa sila gikonsiderang suspek, kun dili persons of interest samtang padayon ang imbestigasyon.
Gipaklaro niya, hinungdan una nga gipasaka ang kasong paglapas sa gun ban.
Sa gipahigayong paraffin test, migawas nga negatibo ang pito, apan positibo usab gunpowder residue ang tanang 14 nga pusil nga nakuha gikan kanila.
Sumala kang Police Lt. Col. Vivien Malibago sa forensic unit, ang negatibong resulta sa paraffin test ang dili konklusibo, tungod daghang factor ang mahimong makaapekto susama sa pagsuot og gloves, katas-on sa pusil ug kondisyon sa palibot.
Kahinumdoman nga gipusil si Espinosa niadtong Abril 10 samtang anaa sa usa ka campaign event.
Naigo siya sa wala nga abaga samtang nasamdan usab ang iyang igsuon og usa ka menor de edad.
Gibutyag ni Espinosa nga posibleng pulitika ang motibo sa pagpusil kaniya.
