Gianunsyo sa Malakanyang ang pag-dismiss sa kaso sa 17 ka Filipino nationals nga una nang gidakop sa Qatar tungod sa pagpahigayon ug illegal assembly.
Segun ni Palace Press Officer Claire Castro nga una nang gianunsyo ang dismissal sa kaso sa 17 ka mga Pilipino ni Qatari ambassador to the PH Ahmed Saad Al-Homidi ngadto mismo kang President Ferdinand Marcos, Jr. atol sa ilang meeting nga natigayon buntag ning adlawa, April 7, 2025.
Ang mga opisyal sa gobyerno sa sayo pa miingon nga adunay kinatibuk-an nga 20 ka mga OFW ang gidakop tungod sa pag-apil sa dili awtorisado nga rally sa usa ka baybayon mga 70 kilometros gawas sa Doha aron iprotesta ang pagdakop ni kanhi Presidente Rodrigo Duterte.
Tulo sa mga dinakpan nga mga Pinoy mga menor de edad pa ug maoy unang gibuhian.
Ang ubang mga miyembro sa grupo gihatagan og temporaryo nga pagpagawas sa miaging semana.
