Nabalaka ang mga otoridad sa mga nasinatian nga mga pag-ulan sa Myanmar nga maoy nagpalisud sa pagpangita sa mga biktima sa linog.
Matud pa sa mga aid agencies nga mahimong hinungdan usab kini sa pagkatap sa sakit susama sa kolera sa mga nawad-an og pinuy-anan nga nakaluwas sa linog.
Samtang anaa sa 3,471 ang namatay sa kusog nga linog kung asa 4,671 ang naangol ug 214 ang na-missing.
Mihangyo si United Nations aid chief, Tom Fletcher, og tabang alang sa dugang nga mga tolda aron matabangan ang mga namakwit nga pamilya ug mapanalipdan gikan sa dili maayo nga kahimtang sa panahon.
Ang mga silingang nasud sa Myanmar sama sa China, India, apil na ang Pilipinas ug ubang nasud sa Southeast Asia, padayong nagpadala og hinabang aron matabangan ang mga apektadong lugar.
