Gipailaila na sa Ms Universe Philippines ang top 10 sa ilang mga kandidata nga dako og tsansa nga mosakmit sa titulo sa best in swimsuit competition.
Kini human nakakuha ang maong mga kandidata sa taas nga online votes gikan Marso 16 hangtod 31 ning tuiga.
Subay sa organisasyon, kini gilakipan nila ni Maiko Ibarde sa Benguet, Tyra Goldman sa Bohol, Jarina Sandhu sa Isabela, Kristel David sa Las Piñas, Zoe Sofia Gabon sa Naga City, Andrea Cayabyab sa Pangasinan, Thelma Suzanne Dayao sa San Fernando, Cebu, Jessica Victoria Cianchino, Millen Joy Cabigas sa Siargao ug Yllana Marie Aduana sa Siniloan, Laguna.
Ang maong mga kandidata ang kabahin lang sa 67 ka kandidata nga mag-ilog sa korona sa Ms. U Philippines ning tuiga nga himuon sa Mall of Asia Arena sa Pasay City sa Mayo 2.
