Gitapos ni Ja Morant ang upat ka sunod-sunod nga kapildihan sa Memphis Grizzles.
Kini human nga ang nasampit ang nakasulod og usa ka game-winning jump shot sa dihang naupos na ang oras aron ituboy ang Grizzles ngadto sa 110-108 nga kadaugan batok sa Miami Heat sa Kaseya Center.
Ang kadaugan wala lang nagtapos sa upat ka dula alang sa Memphis, apan ang kadaugan nagbayaw sa Grizzlies ngadto sa ikaunom nga puwesto sa Western Conference standing batok sa Los Angeles Clippers ug sa Minnesota Timberwolves aron malikayan ang play-in tournament, kon magpabilin ang standing.
Ang dula natabla sa 108-108 sa 13. 1 seconds dihang si Morant nag-dribble paingon sa basket samtang gidepensahan sa ni Kel’el Ware sa Miami Heat.
Naigo dayon ni Morant ang usa ka 12-foot setback jumper nga adunay mahigalaon nga ‘bounce’ sa rim sa pag-expire sa orasan.
Midagan si Morant aron sa paggakos ug pagsaulog uban sa iyang amahan nga si Tee Morant, nga naglingkod sa kilid sa korte.
