Hingpit na ang pagpangandam alang sa 2025 Palarong Pambansa nga ipahigayon sa Ilocos Norte. Si Ilocos Norte Governor Matthew Joseph Manotoc nipahibalo nga andam ang probinsiya sa paghatag og dili malimtan nga kasinatian alang sa 15,000 ka gipaabot nga mga partisipante lakip na ang mga atleta, coaches, ug mga opisyal.
Nakigalayon usab ang kagamhanang probinsiyal sa Ilocos Norte Electric Cooperative (INEC) ug PrimeWater aron masiguro ang padayon nga serbisyo sa mga apektadong lugar samtang ang Ilocos Norte Provincial Police Office midugang og mga security personnel ug naghimo og traffic flow scheme.
Gidugang pa niini nga halos tanang venue ug accommodation sa kompetisyon giandam na. Gisugdan na usab sa Ilocos Norte Tourism Office ang pagpangita og mga balay nga kapuy-an sa probinsiya nga mahimong himoong homestay sa mga delegado nga adunay saktong lawak, tubig, kuryente, banyo, ug kusina. Matod niya nga nagpaabot na lang sila sa barangay clearance.
