Gikumpirma mismo ni Senador Ronald “Bato” dela Rosa kagahapong adlawa, Marso 12 sa pakighinabi ngadto kaniya nga anaa lang siya sa Pilipinas ug wala magtago.
Ang pamahayag ni Dela Rosa nigawas human gidakop sa mga awtoridad si kanhi Presidente Rodrigo Duterte pinasikad sa warrant for crimes against humanity sa International Criminal Court.
Matod ni dela Rosa, busy siya sa pagpangampanya ug bag-o lang nahuman sa pagpangampanya sa kabukiran sa Surigao ug Agusan.
Gipasabot sa senador nga gituyo niyang gipalong ang iyang telepono tungod kay busy siya sa pag-atiman sa petition for certiorari and prohibition nga bag-o lang gisang-at sa Korte Suprema.
Matod niya nga siya ang gitahasan sa pag-handle og legal remedies sa korte hinungdan nga wa siya makauban sa Hong Kong.
