Nangayo ug tabang ang siyam ka mga Indonesian national ang sa Presidential Anti-Organized Crime Commission (PAOCC) sa paglaum nga dali silang makabalik sa ilang nasud.
Matod sa PAOCC, giangkon sa mga Indonesian nga mga trabahante sila kaniadto sa nagkalain-laing Philippine offshore gaming operators (POGOs) nga nagpadagan sa online betting ug scamming.
Dugang pa niini nga bisan og wala sila makasinati og physical abuse gikan sa ilang mga amo, sagad matud pa nga kulang ang ilang suholan ilabi na kon mapakyas sila sa pagtuman sa quota nga gipangayo sa ilaha.
Gitataw sa PAOCC, pamatuod lamang kini nga adunay abuso o labor trafficking nga nahitabo tali sa mga mi-surrender nga Indonesian national ug sa ilang mga amo sa POGO.
Lakip na sa ahensya ang pito ka mga Indonesian nga lalaki ug duha ka babaye sa 30 pa nga una nga gidakop sa Kanlaon Tower sa Pasay City. Gani, ning milabayng semana, gilakip sa BI sa ilang Marso 21 agenda ang pagpauli sa 30 ka Indonesian nationals.
Ang PAOCC naglaum nga maapil ang siyam pa.
