TBOLI SOUTH COTABATO-Abli na pag-usab ang Lake Holon sugod Marso 8, 2025.
Nasayran nga gipahigayon kaganihang buntag ang ‘Pilgrimage to Lake Holon’ nga gipangunahan sa lokal nga panggamhanan sa Tboli, South Cotabato kung diin timailhan sa subling pag-abli sa mga turista sa maong sikat nga tourist destination.
Pahimangno ni Tboli Mayor Keo Dayle Tuan sa mga turista hangtod 200 mga trekker lang kada adlaw ang tugotan sa LGU nga musaka sa Lake holon.
Tumong niini nga mapanalipdan ang kaanindot niini.
Kahinumdoman nga temporaryong gisirado sa publiko ang Lake Holon niadtong Enero 4 aron hatagan ug dalan ang rehabilitasyon og pag-ayo sa mga tourism structures sa lugar og pagbansay sa mga tourism frontliners.
Ang pag-abli balik sa Lake Holon ang gidungan sa LGU sa 51st Foundation Annivesary og 28th Seslong Festival sa Tboli nga mahuman sa Marso 16.
