Usa ka Hapones nga babaye ang gidakop human giingong gi-lock ang iyan bana nga hubo sa ilang balkonahe sa tibuok gabii, hinungdan sa iyang kamatayon tungod sa hypothermia, ang mga awtoridad sa Nagasaki miingon kaniadtong Biyernes.
Ang 54-anyos nga babaye nag-atubang sa mga kaso sa pag-atake ug lethal confinement kalabot sa insidente sa Pebrero 2022.
Sumala sa lokal nga mga opisyal, gimandoan sa babaye ang iyang 49-anyos nga kauban sa gawas sa balkonahe nga hubo ug gi-lock siya didto. Ang temperatura niadtong gabhiona mius-os ngadto sa 3.7°C (38.7°F) diin pagkasunod adlaw, ang lalaki nakit-an nga halos patay sulod sa ilang balay ug namatay usab tungod sa hypothermia.
Sa sayo pa, giataki sa babaye ang iyang kauban gamit ang kutsilyo hinungdan sa mga samad sa iyang ilong nga milungtad og duha ka semana aron maayo.
Apan, ang babaye nanghimakak sa mga pasangil ug miingon nga “wala koy gibuhat,” sumala sa pulis.
Samtang, wala pa gipasabot sa mga otoridad kung nganong nadugay una siya pormal nga napasakaan og kaso.
