-- ADVERTISEMENT --
Angol ang unom katawo human sa pagkahugno sa bahin sa Santa Maria – Cabagan Bridge nga nahimutang sa Barangay Casibang Norte, Cabagan, Isabela.
Matod sa kapulisan sa maong dapit, Huwebes sa gabii nahitabo ang insidente dihang niagi ang usa ka trak nga puno sa mga bato ug nahugno ang bahin sa taytayan.
Upat ka mga sakyanan ang nahulog sa suba, lakip ang usa ka trak, duha ka Sports Utility Vehicle ug usa ka motorsiklo.
Gipangita pa sa kapolisan ang drayber ug pasahero sa trak nga niikyas human sa insidente. Gisusi pa sa mga otoridad ang hinungdan sa aksidente. Ang maong tulay gitukod niadtong 2017 ug nagkantidad kini og P639 milyones.
