Hapit nga mibangga ang usa ka depasaheruan nga eroplano nga Southwest Airlines buntag sa Martes (oras sa America), human nga i-abort niini ang landing sa usa ka private jet sa runway sa Chicago Midway International Airport.
Ang Flight 2504, nga gikan sa Omaha, Nebraska, paduol na sa runway dihang kalit nga miagi ang usa ka business jet sa parehong agianan niini.
Mikatag dayon ang video footage sa social media pagkahuman sa insidente, nga nagpakita sa pagnaog sa dakong eroplano padulong sa runway samtang ang gamay nga jet ang miagi lamang pipila ka metro sa atubangan niini.
Gilayon nga nagdesisyon ang crew sa airlines nga ihunong ang landing og musaka pag-usab sa kawanangan aron malikayan ang posibleng banggaanay.
Human ang pipila ka minuto, naka-landing ang eroplano sa ikaduhang higayon og walay gireport nga nasamdan.
Kasamtangan usab nga giimbestigahan ang nahitabo og wala pay dugang detalye kabahin sa business jet o operator niini ang gipagawas hangtod sa karon.
