Mukabat na sa 18 katao ang natala nga samaron sa pagkahagsa sa Delta Air Lines flight gikan Minneapolis – St. Paul International Airport samtang pa-landing sa Toronto Pearson airport adlaw nga Lunes, Pebrero 17, oras sa Amerika.
Sumala sa airline, tanan sa 80 nga sakay sa pampasahero nga eroplano ang luwas nga nahikling kung asa 76 niini ang mga pasahero samtang 4 usab ang crew members.
Sumala sa Peel Regional Paramedic Services, 18 ka tawo ang gidala sa local hospitals kung asa 2 ang hamtong og usa ka bata ang nakaangkon ug critical injuries.
Swerte lang nga walay natala nga fatalities o namatay sa insidente.
Sa karon dili klaro kung paunsa mibaliktad ang eroplano bisag posibleng nakaapekto dinhi ang kusog nga hangin.
Base sa Meteorological Service of Canada, natala ang hangin nga 32 miles per hour (mph) og paghaguros nga muabot og 40 mph sa maong airport dihang mahitabo ang insidente dungan sa pag-agi sa remnants sa winter storm sa may Toronto.
Sa kasamtangan, gilimpyohan na ang wreckage sa airport.
Temporaryo usab nga gisuspende ang tanang flights niadtong hapon sa Lunes sa Pearson Airport bisag gipadayon ang departures og arrivals gabie sa Lunes.
