Gisaway sa Kilusang Magbubukid ng Pilipinas (KMP) ang desisyon sa Department of Agriculture (DA) nga mag-import og sibuyas tunga-tunga sa ting-ani.
Matod ni KMP chairperson Danilo Ramos, tungod kay padayon nga nagsalig ang gobyerno sa importasyon isip band-aid solution, dili masumpo ang pagsaka sa presyo sa mga produkto sa agrikultura sa nasud.
Gitataw ni Ramos, ang bag-ong importasyon sa sibuyas samtang tunga-tunga sa ting-ani siguradong mawad-an og kuwarta ang mga nananom og sibuyas apan mopabor sa pipila ka importers.
Ang grupo nihatag og ehemplo sa nahitabo niadtong 2022 diin ang presyo sa sibuyas niabot og kapin sa P700 matag kilo.
Matod sa grupo, ang krisis sa sibuyas niadtong 2022 resulta sa cartel manipulation ug kapakyas sa gobyerno sa pagpugong sa pagtago sa suplay ilabi na sa mga importer. umala sa Federation of Free Farmers, ang desisyon sa departamento dili tukma sa panahon.
Gitataw sa grupo, nagsugod na ang pag-ani sa sibuyas sa mga nag-unang plantasyon sa nasud sama sa Pangasinan, Occidental Mindoro, ug Nueva Ecija, ug ang liboan ka toneladang sibuyas nga i-import siguradong makaapekto sa farmgate nga presyo sa sibuyas, nga maoy hinungdan nga mas mapildi ang mga mag-uuma. umala sa grupo, ang mga mag-uuma nag-atubang na sa taas nga presyo sa mga input sa uma, lakip na ang paglaglag sa mga ulod sa kasundalohan. a sayo pa, giaprobahan sa pamunuan sa DA ang importasyon sa upat ka libo ka metriko toneladang sibuyas.
