Gipulihan sa gitawag nga “Monster ship” sa China kagahapong adlawa, Pebrero 1 ang China Coast Guard vessel 3304 nga iligal nga nag-operate duol sa Zambales.
Matud pa ni Philippine Coast Guard spokesperson for the West Philippine Sea Commodore Jay Tarriela nga malampuson nga naabog sa BRP Teresa Magbanua ang CCG 3304 gikan sa coastline sa Zambales og epektibong nagpabilin ang barko sa Pilipinas nga ang distansiya sa monster ship anaa sa 110-115 nautical miles gikan sa kadagatan sa Zambales.
Wala natarog ang crew nga sakay sa BRP Teresa Magbanua sa presensiya dakong barko sa China og nagpakita sa talagsaong kaisog og baruganan.
Kalabutan niini, gihingusgan sa PCG nga iligal ang mga aksiyon sa CCG og supak sa United Nations Convention on the Law of the Sea (UNCLOS) kung asa usa ang China sa mga nagpirma.
