Gitawag sa Employers Confederation of the Philippines (ECOP) nga counterproductive og pwede nga makaapekto ang sugyot balaodnon nga
P200 across-the board daily wage increase sa mga pribadong sektor.
Matud pa kang ECOP President Sergio Ortiz-Luiz Jr, nga mas maayo nga paminawan ang kamatuiran kung asa pipila lang ang makabenepisyo.
Daghan ang mga trabahante nga anaa karon sa informal sector.
Kapin sa katunga sa mga negosyante sa nasud ang anaa sa micro and small enterprises hinungdan nga lisod kanila ang pag-implementa sa dugang nga P200 sa suweldo kada adlaw.
Magresulta lamang sa pagtaas sa presyo sa mga produkto sa mga negosyante o ang mas bug-at nga mabawasan ang mga trabahante.
Ang mas maayo nga itugyan ang desisyon sa mga regional wage board kung asa gikalangkuban kini sa
gobyerno, employers og mga trabahante.
Kahibaluan nga giaprobahan sa House Committee on Labor and Employment ang sugyot nga P200 across-the-board daily wage increase sa pribadong sektor.
