Kampo ni Gloria Romero gitawag nga ‘fake news’ ang pagkatag sa last will and testament niini

Gitawag nga ‘fake news’ sa kabanay sa mitaliwan nga banggiitang actress ang pagkatag online sa matod pa pipila ka milyon nga last will at testament niini.

Sumala sa kampo sa actress nga walay kamatuoran ang naasoy nga mga mikatag nga balita og angayang dili tuohan sa publiko.

Gikonsidera nila nga usa ka matang sa pagpamastos sa aktres ang maong pagkatag sa maong impormasyon.

Plano sa kampo niini nga kasuhan ang mga nagpaluyo sa pagpakatag sa maong peke nga balita.

Enero 29, dihang na-cremate na ang patay nga lawas sa veteran actress.

Nagsang-at usab og resolusyon ang actress og Congressman Lani Mercado-Revilla isip pag-ila sa kontribusyon ni Romero sa showbiz industry.

Kahinumdoman nga mipanaw ang movie icon niadtong Enero 25 sa edad nga 91.