Nisuway sa pagpugong ang kampo ni dismissed Bamban Mayor Alice Guo sa prosekusyon sa pagpresenta sa 4 ka personnel sa Bureau of Internal Revenue (BIR) aron motestigo sa pagdungog sa iyang kasong graft sa Valenzuela Regional Trial Court Branch 285.
Ang 4 ka personahe sa BIR nga gipresenta sa prosekusyon gikan sa Bulacan ug Tarlac.
Ang abogado ni Guo nga si Atty. Nicole Jamilla, giingong walay koneksiyon ang BIR personnel sa kasong graft sa gitaktak nga alkalde ug miinsister nga ang iyang graft case ang tutukan ug dili ang buhis.
Apan ang prosekusyon niinsistir nga gusto nilang maestablisar kon duna bay koneksyon si Guo sa Baofu Land Development Inc. Una nang gibutyag nga si Guo usa ka incorporator sa Baofu, nga nanag-iya sa POGO Zun Yuan Technology sa Bamban, Tarlc, nga giingong konektado sa ilegal nga kalihokan sama sa human trafficking.
Bisan pa sa gihimong lakang sa kampo ni Guo, gitugotan gihapon ni Judge Orven Kuan Ontalan nga makatestigo ang mga personahe sa BIR.
Gibutyag usab sa hearing nga wa siya maka-file og bisan unsang buhis sukad siya ni-apply og Taxpayer Identification Number sa Bulacaan hangtod nga nabalhin siya sa Tarlac.
Sa laing bahin, magpadayon ang pagdungog sa kaso ni Guo sunod Martes, Enero 28.
