Ilusad sa Department of Health (DOH) ang libreng bakuna sa mga batang babae nga nagpangidaron ug lima ka tuig hangtod siyam ka tuig batok sa cervical cancer.
Matud pa ni Health Secretary Ted Herbosa nga nasangpit pondo ang iyang gihangyo sa pangulo ug gihatagan usab kini ni Pangulong Ferdinand Marcos Jr.
Sigon pa kay Herbosa, tumong niini nga maampingan ang mga kabataang babayi ug makalikay sa sakit nga cervix cancer.
Kahibaluan nga anaa sa 4 ka libo ka pesos ang magasto sa matag tusok sa bakuna batok sa cervical cancer.
Duha ka tusok matud pa ang gikinahanglan hinungdan nga nagpagawas ug P8,000 nga katibuk-ang budget sa matag batang babaye sa nasud nga nagpangidaron sugod lima ka tuig hangtod sa siyam ka tuig.
Sa higayon nga makomplerto na ang pagbakuna sa mga batang babayi ilawom sa maong pangidaron mawagtang na ang kabalaka nga matakbuyan ug sakit nga cervical cancer ang nasud.
