Lima na ka mga tawo ang narekord nga patay og daghan ang giingong nasamdan samtang 2,000 ka gambalay ang nasunog tungod sa halapad nga wildfire sa Los Angeles, California, USA.
Sa pagkakaron nagpadayon ang mga sunog sa Palisades, Eaton, Hurst og Woodley.
Nasuta nga kapin sa 100,000 ka residente ang mihikling gikan sa sunog sa Eaton og 37,000 gikan sa Palisades.
Sa inisyal nga impormasyon, ang sunog sa Palisades ang nakalamoy na og kapin sa 5,000 ka ektarya samtang ang sunog sa Eaton usab anaa sa 2,200 ka ektarya ang gilamoy sa kalayo.
Sa pika nga bahin, miabot na sa 500 ka ektarya ang naapektuhan sa sunog sa Hurst. Kahibaluan nga ang Pacific Palisades ang nahimutang sa tunga-tunga sa Santa Monica Mountains og Pacific Ocean.
Nahitabo ang sunog tungod sa kumbinasyon sa dry conditions og kusog nga hangin.
