Nagdeklara og state of calamity ang unom ka estado sa Amerika tungod sa grabeng winter storm nga ilang nasinatian.
Naglakip kini sa mga estado sa Kentucky, Virginia, West Virginia, Arkansas, mga bahin sa New Jersey, Kansas ug Missouri.
Sa Lexington, Kentucky lima ka pulgada nga snow ang natala alas 5:30 sa hapon sa sidlakan samtang sa siyudad sa Louisville sa Kentucky, 7.7 pulgada sa snow ang natala.
Sa Topeka, Kansas, 12 ka pulgada sa snow ang natala.
Ang estado sa Kansas, lakip ang Missouri, maoy pipila sa mga dapit nga gipaabot nga grabeng maapektuhan sa winter storm, diin kagahapon, Domingo, kapin sa 10 ka pulgada nga snow ang nahulog sa pipila ka mga dapit sa nahisgutang mga estado.
Tungod niini, sobra sa 60 ka milyon nga mga Amerikano sa labaw sa 30 ka mga estado ang nakasinati og usa ka grabeng bagyo sa winter storm nga mahimong magdala sa pinakabug-at nga snowfall ug pinakabugnaw nga temperatura sa sobra sa usa ka dekada.
Kaniadto, adunay kinatibuk-an nga 3,300 ka mga inbound ug outbound flights sa Estados Unidos ang nalangan samtang 1,700 ang nakansela tungod sa winter storm.
Ang labing grabe nga naapektuhan mao ang Kansas City International Airport ug St. Louis Lambert International Airport sa Missouri.
