Walay nakita nga isyu ang Department of Justice (DOJ) sa paghatag ug clemency kang Mary Jane Veloso, ang Pinay nga gihukman nga patyon sa Indonesia may kalabutan sa ilegal nga droga nga nakapuli na sa Pilipinas miaging adlaw human ang katorse ka tuig nga pagkapriso sa Indonesia.
Apan gipaklaro sa DOJ, ang naasoy nga desisyon ang magdepende gihapon kang Pangulong Ferdinand Marcos Jr.
Gibutyag usab ni Justice USec. Raul Vasquez nga ang DOJ ang usa sa mga lupon nga mamahimo nga magrekomenda kang Pangulong Marcos alang sa sunod nga mahimong lakang sa kaso ni Veloso.
Una ng gibutyag ni USec. Vasquez nga ila pang estoryahan sama sa gibutyag ni Pangulong Marcos, on the table na o nakalatag ang hisgutanan kauban ang uban pang persons deprived of liberty (PDLs) nga takdang hatagan ug clemency.
Nagtuo usab ang DOJ official nga dili muhatag ug negatibong mensahe sa Indonesia tungod sila mismo ang nagbutang kang Veloso aron makapauli sa nasud .
Gipaklaro usab sa opisyal nga walay special treatment kang Veloso samtang nakadetine sa Correctional Institution for Women aron ipadayon ang pagsilbi sa iyang sentensiya.
Bisan pa niini gipaniguro usab sa DOJ nga gitahasan ang Bureau of Corrections (BuCor) nga siguruhon ang kaluwasan ug kahimtang ni Veloso.
